saya orang kelantan

tibo-tibo sayo raso sayo no kecek loghat klate ari ni. haha. maah la kalu dop pehe. kalu kecek buleh pehe siket2, tapi kalu nulih2 ni jadi bellit siket. hihi

teringak maso kecik2, maso darjah2, ado skali tu abih kelah arab saing ajok gi dumoh dio. ikot ah dio sebak dop rajin gi etep dumoh dio. maen2 sapa nok dekak ghorib, xhengat nok kelik hihi. pahtu baru prase nok masok ghorib, baru raso nok kelik. lah nok kelik tu pulop, kelih la pulop anok kemba ustak dok main tanoh, g join meta sapala bunyi moto abah. abah royat dio caghi rato doh. pahtu kelik r naik moto abah. haha. maso ni kak su ado skali.

dulu, tepi ghumoh ado pokok pauh, dop ingat pokok pauh gapo tapi dok buoh sangak. ado ndo sakuk kak dehe tu. ndo gne guni berah, tali birri. jange dok ingak guni berah ho koko tu, tu besa do'oh. guno guni berah hok biaso2 jah. pahtu sokmo la berebuk nk main mendo tu. kalu budok2 ni maen gak dop maen selow2 ni. tolok derah nok mapuh. sokmo jah dok banding kaki sapo boleh cecoh edek rumok sayo tu. sayo sapa skali skalo. xlamo pahtu pokok pauh tu kene tebe. dop ingat la bakpo.

dulu, abah rajin wat geghe. besa jugok la geghe tu. sokmo lepok atah geghe tu, doh nok wat guano, atah rumoh panah sangat. kalu dok tanoh ado angin siket. loni xdop doh. xdop space no letok, xkea nok letok tembok kot. haha

dulu, kalu pete2 gak, sokmo jah dok maen bola sambut, ore lua panggil bola beracun. budok2 ni ganah2 belako. main skali tino jate. culah2, pahtu kalu pekong tu mace no pekong batu tu ko anying jah. kalu dop maen mendo ni, kitore maen decok. kalu nok tahu ado 2 jenih decok ni. decok gune petok nga decok ambak. kalu decok hok petok2 tu, budok2 ni lukih besar kemain sapa jenuh nok lopat kalu skali keno lompak dari bawoh sapa atah skali. dulu sumo teror2 pakak nok jadi athlete blako. kalu decok ambak gak, letih la weh nok hambak musoh tu. tapi sedak r maen mendo ni nga saing2.

dulu, kalu maen masok2. sayo dop maen gne barbie doll tu, sayo maen gne api betol. cumo nasik tukar jadi pasir, daun mokte jadi sayur. puyuk2 koli2 tu gi cari r hok sapo2 tohok. kade2 keno maro sebak amik sudu nga pisa atah rumoh. ngeno ngepek la kalu mek dok jupo pisa dio. haha

dulu, prase jadi aska nga polih, budok2 ni main bedil2. bedil wak sediri gune pape. pluru gne buoh terung hok kecik beleh tu. kalu keno bedil, sakit jugok. tapi budok2 jate dekut siket, jare budok tino ni bleh join skali.huhu

dulu, kalu time keno wat lidi sumo ore sibuk nok wat jugok. kea lidi amik dari daun pelepoh nyo. keno kaut daut tu banyok, sapa ija tange. leteh tu leteh jugok tapi xsero sangak sebab rama2. pahtu hok xdok kejo gak dio gne daun2 pelepoh nyo tu dio wat trompet. bilo sore wat, so kapung wat. pahtu bunyi r ari2 trompet tu. skalo meta jah, bilo doh boring sekyo cari mendo lain pulok. kade kalu sore wat wau, sumo wat wa. ado musim jugok mendo ni.

kalu ikut nok crito pasa dulu2, dop cukop page la nok tulih. haha. rindu pulop maso kecik2. dop keno pikir banyok masaaloh.